நீ தான் என் உயிர் ..

கனவோடு சுமந்தாய்
கருவறையில் பத்து மாதம்,

உலகத்திற்கு என்னை
அறிமுகம் செய்தாய் உன் பிள்ளையாய்,

உன்னை உருக்கி
என்னை ஊட்டி வளத்தாய்,

கலங்கிய பொழுதெல்லாம்
கண் துடைத்தாய்,

கருப்பு மை இட்டு
அழகு பார்த்தாய்,

செல்ல பெயரால்
சொல்லி அழைத்தாய்,

எனக்கு ஒன்று நிகழும் போது
விழித்துக் கொள்கிறாய்.

நீ தான் என் உயிர் தாய்.

எழுதியவர் :இள.இளங்கண்ணன்

என்ன செய்ய முடியும்….?

என்ன செய்ய முடியும்….?
வலிக்க வேண்டும்
என்றே என் கண்ணாடி
இதயத்தில் கல் எறிபவர்களை….

என்ன செய்ய முடியும்…. ! 

எழுதியவர் : சதீஷ் 

என்றும் அன்புடன் உன்னை தேடி !!!

தோழி என்றாவது உன் விழிகள் என்னை
தேடினால் உன் கண்களுக்குள் என்னை
தேடிபார் அதில் ஒரு துளி கண்ணீராய்
இருப்பேன் என்றும் அன்புடன் உன்னை தேடி !!!

எழுதியவர் :யாசின்

அம்மாவை பற்றி கவிதையா நிச்சயமாக முடியாது...

நீயே ஒரு கவிதை - அம்மா
அம்மாவை பற்றி கவிதையா
நிச்சயமாக முடியாது என்னால்
காதலியை பற்றி எழுத
ஒரு காகிதமும்
சில பொய்களும் போதும்...!
அம்மா உன்னை பற்றி
எழுத உலகத்தில் உள்ள
அனைத்து காகிதங்களும் பத்தாது
என்னை பொறுத்தவரை
கடவுளை நான் நம்ப காரணமே!
எதை எதையோ படைத்த அவன்
அம்மாவையும் படைததர்க்காகதான்..!

எழுதியவர் :மு.இளந்தமிழன்

நம்பிக்கை

அன்னையே ! நீ
என் முதுகில் ஏற்றிய
புத்தக பையை சுகமாய்
சுமந்தேன் எதிர்காலத்தில்
உன்னையும் சுமபேன் என்ற நம்பிக்கையோடு

எழுதியவர் :யாசின்

கண்ணில் கண்ணீர் இல்லை

உனக்காக
கண்ணிர் சிந்துவதிலும்
ஒரு சுகம்
இருந்தது இப்போது
அதுவும் இல்லை
காரணம் என்
கண்ணில் கண்ணீர் இல்லை............!!!!!!!!!!!

எழுதியவர் :ரெங்கா

இழக்கமுடியாது....மறக்கமுடியாது...

உள்ளத்தில்
உருவான
பாச உணர்வுகள்
அனைத்தும்
ஒருபோதும் இழக்கமுடியாது!

உள்ளத்தை
உடைத்த
பழி உணர்வுகள்
அனைத்தும்
ஒருபோதும் மறக்கமுடியாது!

எழுதியவர் :வேதகிரி

நட்பை மட்டும் இடம் மாற்றிக் கொண்டோம்

என்னிடத்தில்
எதையும் நீ கேட்கவில்லை...
உனக்கென்று
எதுவும் நான் கொடுக்கவும் இல்லை...
ஆனால்
நட்பை மட்டும்
நம் இதயங்களில்
இடம் மாற்றிக் கொண்டோம்........!!!!!

எழுதியவர் :ரெங்கா

 

தாயின் மடிக்கு சுகமான படுக்கை...

 எத்தனையோ

பஞ்சனை மெத்தைகள் மட்டுமல்ல.

காதலியின் நெஞ்சனை தாங்கினால் கூட

தாயின் மடிக்கு சுகமான படுக்கை

வேறொன்றும்

உலகில் இல்லை என்பதை மட்டும்தான்

உள்ளம் உணர்த்துகிறது....

எழுதியவர் :மணிகண்டன் மகாலிங்கம்

நான் நேசிக்கும் ஒரு தெய்வம், என் அம்மா

நான் நேசிக்கும் பூஜிக்கும்
ஒரு தெய்வம், என் அம்மா
நான் சிரிக்கையில் சிரித்தாய்
நான் அழுகையில் எனக்காக கண்ணீர் வடித்தாய்
நான் வாழ துடிக்கும் உன் இதயம்
என்றும் எனை தாங்கும் உன் ஆசை மடியும்
நான் உண்ட மீதி நீ உண்பாய்
எனை உறங்க வைக்க கண் விழித்திருப்பாய்
உன் விருப்பம் நான் அறிந்ததில்லை
என் ஆசை நீ மறந்ததில்லை
கேட்டதை எல்லாம் கொடுத்தாய்
கேட்கும் போதே கொடுத்தாய்
கல்லுக்குள் கடவுளை தேட மனமில்லை
உனைஅன்றி எனக்கு வேறு துணையில்லை
நாட் கணக்கில் விரதமென்று பட்டினி கிடப்பாய்
ஒரு பொழுது நான் சாப்பிட மறுத்தால், உன் உயிர் நோக துடிப்பாய்
வன் சொல்லலால் சுட்டதுண்டு உன்னை
எதையும் கேளாமல் மன்னிப்பாய் என்னை
இது ஒப்பந்தந்தில் சேர்ந்த சொந்தமன்று
ரத்தத்தில் தோன்றிய பந்தமென்று..
நான் நேசிக்கும் பூஜிக்கும்
ஒரு தெய்வம் என் அம்மா………….. 

எழுதியவர் : விக்னேஷ் 

 

குழந்தையின் முத்தத்திற்காக தாய்,,,,,

கணக்கில்லா

முத்தங்கள் வாங்கினாலும்

கொடுத்த முத்தத்தின்

ஈரம் காய்வதற்குள்

அடுத்த முத்தத்திற்காக

வரம்வேண்டி காத்திருக்கும்

குழந்தையின் முத்தத்திற்காக தாய்,,,,,

எழுதியவர் :மணிகண்டன் மகாலிங்கம்

பிரிந்து போனாலும்

ஒரு
உயிரை நீ நேசிப்பது
உண்மையென்றால்..
அந்த
உயிர் பிரிந்து போனாலும்
மீண்டும்..
உன்னைத் தேடிவரும்....

எழுதியவர் : கவிதா 

 

கலங்காதே

கஷ்டங்களைக் கண்டு
கலங்காதே!
கோடைகாலம்
குளிர்காலம்
எந்தக் காலமுமே
நிரந்தரமல்ல...
மனிதனின்
வாழ்வில் வரும்
கஷ்ட காலமும் தான்....!!!!!!!!!!

எழுதியவர் :ரெங்கா

மலர்வது நம் நட்பாக இருக்கட்டும்

"உலகம் மாறலாம்
உண்மை மாறாது
பந்தம் மாறலாம்
பாசம் மாறாது
நாம் மாறலாம்
நாம் நட்பு என்றும் மாறாது!"
"உதிர்வது மலர்களாக இருக்கட்டும்
மலர்வது நம் நட்பாக இருக்கட்டும்!"

எழுதியவர் :ராம்ஜி

கவிஞனின் கண்ணீர் !!!

சோகத்தின் வெளிப்பாடு
கண்ணீர் என்பது நாமறிவோம்
ஏன் அதிகபட்ச சந்தோசத்தின்
வெளிப்பாடு கூட கண்ணீர்தான்!
கவிஞனின் அத்தனை உணர்வுகளிலும்
தீரப்போவது கண்ணீர் மட்டுமல்ல,
சில வெள்ளை காகிதங்களும்
சற்றே மையும்தான்..
மனதின் பாரம் குறையும்போது
தாள்கள் நிறைந்திருக்கும்
கவிதைகளால்...
(கிறுக்கல்களால்)...

நண்பர்கள்

நண்பர்கள்
நம்பிக்கை வைத்து பழகினால்
கண்ணில் கண்மணியாய்
பகிர்ந்துகொள்ள பாசம் தந்து
தோள்கொடுக்கும் வேர்கள்
கள்ளம் இல்லை எங்கள் நட்பில்
என்றும்
என் மனவானில் மின்னும் நட்சத்திரங்கள்
என் நண்பர்கள்
என் நம்பிக்கை நட்சத்திரங்கள்..... 

எழுதியவர் : விக்ரம் 

 

என் நட்புக்கு விட்டு கொடு

உன்னை பின்
தொடரும் உரிமை
என்னை தவிர
வேற யாருக்கும்
கிடையாது

சொல்லி வை
உன் நிழலிடம்.
என்
நட்புக்கு
விட்டு கொடு என்று.

எழுதியவர் : கவிதா 

 

உன் நட்பை அறிந்த பிறகு. ..

நினைப்பதை
விட
மறப்பது கடினமானது
என்று புரிந்து
கொண்டேன்.
உன் நட்பை
அறிந்த பிறகு.

எழுதியவர் : கவிதா 

கண்ணீருக்கு விலை இல்லை.

நேசிப்பது
எல்லாம் கிடைத்து
விட்டால்.
கண்ணீர்
துளிகளுக்கு
மதிப்பில்லை.
கிடைப்பதை எல்லாம்
நேசித்து விட்டால்
கண்ணீருக்கு
விலை இல்லை.

எழுதியவர் : கவிதா 

 

தோல்வியைக்கண்டு கலங்க வேண்டாம்

தோல்வியைக்கண்டு கலங்கும்
குணம் வேண்டாம்
வெற்றியை மதிப்பிடும்
சுய அறிவு வேண்டும்

வாழ்க்கை என்னும்
கடலைக் கடக்க
கருணை வேண்டாம்
தன்னம்பிக்கை என்னும்
துடுப்பிருந்தால் போதும்.

எழுதியவர் : சதீஷ்

 

என் உயிர் நண்பன்!

ஆறுதல் சொல்ல ஆள் இருந்தால்
அழுவதில் கூட சுகம்தான்!
சாய்ந்து கொள்ள நண்பன் இருந்தால்
சாவதில் கூட இனிமைதான்!-நண்பா
உன்னை அழவும் விட மாட்டேன்!
விழவும் விட மாட்டேன்!-
அணைத்துக்கொள்,ஆயுள் வரை இருப்பேன்
உன் உயிர் நண்பனாய்! 

எழுதியவர் : கீதுவினோ 

சொன்னால் அது கவிதை......

உலக நிகழ்வுகளை

பல வார்த்தைகளால்

சொன்னால் அது காவியம்.....

உலக நிகழ்வுகளை

ஓரிரு வார்த்தைகளுக்குள்

சொன்னால் அது கவிதை...... 

எழுதியவர் :மணிகண்டன் மகாலிங்கம்

தாய்,குழந்தை வித்தியாசம் தெரியவில்லை...

குழந்தையோடு

தாய் கொஞ்சி பேசுகையில்

வித்தியாசம் தெரியவில்லை...

யார் குழந்தையென்று..... 

எழுதியவர் :மணிகண்டன் மகாலிங்கம்

தாய்.....

உயிரை வருத்தி
உயிர் தந்தவள்
உதிரம் பருக்கி
உருவம் தந்தவள்
உடல் வருத்தி
உணவு கொடுத்தவள்-தன்
உறக்கம் மறந்து
உறங்க செய்தவள்-நாம்
உலகம் அறிய
உயிரையும் தருபவள்
தாய்...

எழுதியவர் :கஜேந்திரன்

தாயின் குழந்தை உள்ளம்...

குழந்தையின்

கையில் இருந்த பொம்மை

கை தவறி கீழே விழுந்து

அம்மா என கூக்குரல் எழுப்புவதற்குள்

ஐயோ!என அம்மா அலறினாளாம்.

உயிரற்ற பொம்மை

உடைந்திருக்குமோ என்று அல்ல....

உயிரற்ற பொம்மைக்கும்

வலித்திருக்குமோ என்று...... 

எழுதியவர் :மணிகண்டன் மகாலிங்கம்

 

முகம் பாராமல் நட்பொன்று வளரலாம்

முகம் பாராமல்
நட்பொன்று வளரலாம்
என்பதே தொலைபேசியில்
நீ அறிமுகமானபோதுதான்
தெரிய வந்தது.
உன் குரல் வசீகரமும்
சரளமான பேச்சும்......

எழுதியவர் :ரெங்கா

 

திருப்பி முளைக்காத மரம் நம் நட்பு

உன்னைக் கண் கொண்டு
பார்க்கவில்லை உயிர் கொண்டு
பார்க்கின்றேன்....
மரத்தில் பறிக்க பறிக்க மலரும் மலரல்ல
உன் மேலான என் நட்பு
பறித்தால் திருப்பி முளைக்காத
மரம் என் நட்பு.......
நான் உன்னை நேசிக்கின்றேன்
உன் நட்பை சுவாசிக்கின்றேன்.............!!!!!!!! 

எழுதியவர் :ரெங்கா

 

தாயீன் கண்ணீர்

கண்ணீர் துளிகளின் வலியும்
தாயீன் அன்பும் ,பிரிவு
அணைக்கும்போது தான் புரியும்
அவள் கண்ணீர் வார்த்தைகளில்
மாயமாகி விட ,குழந்தையின்
சிரிப்பின் முகத்தில் சுகம் கண்டாள்

எழுதியவர் : லக்ஷ்மி 

 

ஒரு குழந்தையின் இதயத்தில்

ஒரு குழந்தையின்
இதயத்தில்
இடம் பெறுவதைக்
காட்டிலும்
உயர்ந்த சிம்மாசனம்
உலகினில் இல்லை! 

எழுதியவர் :சுதந்திரா

அன்பு.....!!!!

மரணம் கூட மடிந்து போகலாம் ...!
மனதுக்கு பிடித்தவர்
நம்மை புரிந்து கொண்டால்...!!!!

எழுதியவர்: மூர்த்திராஜு

 

கவிஞனின் கேள்விகள்

எங்கள் மரணத்திற்கு பின்னால்
உங்கள் மரண சான்றிதழிலாவது
மாற்றி திருத்தி கொள்ளுங்கள்
மானமுள்ள தமிழனென்று
ஈழத்து கவிஞன் எனக்காக
எழுதிய இறுதி கவிதையிது 

எழுதியவர் :  கவி

 

திருட முடியாத பரிசு

பிரிவு
எனபது யாராலும்
மறுக்க முடியாத
வலி.....
நினைவு
எனபது யாராலும்
திருட முடியாத
பரிசு"

எழுதியவர் : கவிசுதா

 

முதியோர் இல்லம்

மனிதர்கள் சென்று மிருகங்களை
பார்க்கும் இடம்
"மிருககாட்சி சாலை"
மிருகங்கள் சென்று மனிதர்களை
பார்க்கும் இடம் 
"முதியோர் இல்லம்" 

 

எழுதியவர் :  சங்கீதபிரியன்

நாளை நீ என்னால் சாம்பல்

எரிந்து போன சிகரட் சாம்பல் சொன்னது இன்று உன்னால் நான் சாம்பல் நாளை நீ என்னால் சாம்பல்....

தாயின் கருவறை........

மதம்,இனம்,மொழி,

பொறாமை,பொய்,களவு,

என்ற பாகுபாடுகள்

இல்லாத ஒரேஒரு உலகம்.....

தாயின் கருவறை........